كندا (Canada) هيا دوله من دول امريكا الشمالية. هيا تانى اكبر بلد فى العالم بالمساحه، و هيا على مساحة شمال امريكا الشماليه. اللغات الرسميه فيها: انجليزى و فرنسية. وتمة لغات اقليمية معترف فيها: Inuktitut, Inuinnaqtun, Cree, Dëne Sųłiné, Gwich’in, Inuvialuktun, Slavey و Tłįchǫ Yatiì.[13]
جغرافيا
حدود كندا مع امريكا (الولايات المتحدة) فى الجنوب و الشمال الغربى هيا اطول حدود فى العالم, و كندا بتطل على امتداد من المحيط الاطلنطى فى شرقها و على المحيط الهادى فى غربها.
ارض كندا سكنها من الاف السنين مجموعات مختلفة من السكان الاصليين, بدايه من اواخر القرن الخمتاشر, بعت البريطانيين و الفرنسيين بعثات استكشاف, و استقرو على طول ساحل المحيط الاطلنطى. فرنسا اتنازلت عن مستعمراتها فى امريكا الشمالية سنة 1763 بعد حرب السبع سنين.
كندا هيا دولة فيدرالية باعتبارها ديمقراطية برلمانية و ملكية دستوريه, الملك تشارلز التالت هوا رئيس الدوله بس مسؤولية ادارة البلد لرئيس وزرا كندا.
اللغه
كندا بلد ثنائى اللغه حكومات مقاطعات كيوبيك و نيوبرونزويك بتشارك فى منظمة الفرانكفونى،الجزء الاكبر من كيوبيك و اونتاريو و ماريتايمز كانت زمان مستعمرات فرنسيه (كجزء من فرنسا الجديده و اكاديا). من بداية 2004, الممثل الحكومى من اونتاريو يحضر مع الوفد الكندى مع ان اونتاريو مش عضو مشارك بصفتها المستقله.
.svg)
