106 ALE TUHAN AMANAMI
1
Ale Tuhan Amanami, na marholongroha i.
Suru TondiMi tu hami, angka na tinoguMi
Paimbaru tondingki, gabe joroMi ma i.
Sai oloi pangidoanku, sian asi ni rohaMu.
2
Ndang adong hangoluanku, anggo so ro TondiMi
Maringanan di rohangku, jala ndang margogo i.
Patupahon hataMi, pasangaphon goarMi
Sai tongtong holom rohangku, molo so patiuronMu.
3
Tung beha ma tandaonku, Ho, o Jesus, Tuhanki?
Tung beha ma tolopanku, Ho do hangoluanki
Molo so ro TondiMi, manondangi rohangki?
Ipe suru ma Ibana, asa saor tu au hataNa.
4
Arta na tongtong manahan salelenglelengna i.
Ingkon Ho do marbasahon jala mangalehon i
Tondi sian Debata, ala ni tangihon ma
Hata ni pangidoanhu, sai bongoti ma rohangku.
5
Patandahon ma tu ahu, dosa na buni dope
Angka na paholang ahu, sian Debata tahe
Asa topotanku i, tu Tuhanku Jesus i.
Jala au paluahonNa, sian dosa saluhutna.
6
Tondi, sai ajari ahu, jala togutogu ma
Asa au marpangalaho, na badia na tama.
Sai paburju rohangkon, mangoloi hataM tongtong
Asa molo ro ajalhu, sahat au tu ingananMu.

Temukan kidung nyanyian lainnya dari BE (Buku Ende)

107 O TONDI PARBADIA I, SAI MASUK
108 HATA NI JAHOWA
109 JESUS HAMI RO DISON, ASA
110 HALELUYA! PINUJI MA
111 PATIMBUL BE MA SANGAP
112 O TONDI PARBADIA I, BONGOTI
113 DEBATA SITOLUSADA
114 PAROHON HARAJAONMI
115 TUHAN DEBATA
116 DITOMPA HO DO AU
117 JAHOWA DEBATANTA DO
118 PAIAN MA DI HAMI
119 MARTUA DO DOHONON
120 ALE IMMANUEL TATAP
121 JESUS RAJA NI HURIA
122 IDA HINADENGGAN NI
123 ALE DONGAN NA SAROHA
124 DI BORNGIN NA PARPUDI I
125 MARLASNIROHA HITA ON
126 NA MARGURU DO LUHUTNA
127 LAM GOGO
128 DITANDA DEBATANTA
129 AI BEASA DI BALIAN?
130 PAROHON HARAJAONMI
131 BATANG AEK USEHONONKU