119 Sih Palimirmanipun Allah

Nada Dasar: 1=G
1
Adhuh Allah Rama kula
Kang munggeng swarga adi
Sowan kula akaliyan
Sadherek kula sami
Kadreng pikajeng kula
Mulyakaken mring Rama
Nyaosi pamuji tuwin
Panggunggung kang trus ing batin
2
Wit kathahing sih peparing
Sarta kawlasan Rama
Ingkang tansah ambleberi
Dhateng kula sadaya
Ngantos tanpa etangan
Dene sih kamirahan
Wah pitulung Tuwan sestu
Tan pegat siyang lan dalu
3
Dhuh Rama, kula punika
Sinten, dene kok Tuwan
Welasi kelangkung-langkung
Ngatahaken kadarman
Sedheng kula tyang dosa
Kathah klepatan kula
Boten pisan yen nimbangi
Sihing Rama kang Ma’suci?
4
Tan liya mung palimirma
Tuwan ingkang tetela
Dening Gusti kula Yesus
Putra Tuwan priyangga
Mila den gunggung-gunggung
Palimirma kelangkung
Nglepataken saking siksa
Temahan paring nugraha
5
Punika anama Injil
Pawartos kang prayogi
Kang kawradin wradinaken
Ing salumahing bumi
Kula nggih winartosan
Kabar kawilujengan
Kang cinandhang para umat
Dening Pamartaning jagad
6
Dhuh Rama, kula nyaosi
Sewu-sewu panuwun
Dene marengi ing karsa
Paring serep mring ulun
Panutan kang sejati
Kang ngungkuli pra nabi
Lantaran kula raharja
Malah ginantungan swarga
7
Mugi mugi jasad kula
Sami dipun langgengna
Salebeting prajanjining
Sih palimirmanipun
Mugi kawewahana
Ing pitados wah tresna
Sageda mantep ing Gusti
Lantaran saking Roh Suci

Temukan kidung nyanyian lainnya dari KPKL (Kidung Pasamuan Kristen Lawas)

120 Sih Kamirahanipun Allah
121 Sih Palimirmanipun Allah
122 Rumentahing Palimirma
123 Ngluhuraken Allah
124 Panggunggung Konjuk Mring Pangeran
125 Sih Palimirmanipun Gusti
126 Nyuwun Manah Suci Ingkang Pitajeng
127 Pangandel
128 Kinanthi ing Gusti
129 Gusti Panuntun Kula
130 Nunggil Kaliyan Gusti
131 Gusti Mugi Sampun Langkung
132 Tinebus Babar Pisan
133 Pamarta Kula
134 Kula Ugi
135 Gusti Pananggel Kula
136 Gusti Pangunsen Kula
137 Manggul Salib
138 Allah Mahaasih
139 Gusti Yesus Ratu Adil
140 Tansah Bingah
141 Dhamparing Sih Rahmat
142 Kidung Panelangsa
143 Enggaring Manah
144 Kumandel ing Allah