13 NDA TAMA ENDEHONONKU
1
Nda tama endehononku Goar ni Debatangki? Nda tama halashononku Denggan ni basaNa i?
Ai sun holong ni rohaNa Mida au pardosa on Diramoti do tongtong Naposona Saluhutna
Holong ni rohana i Nda tung hasuhatan i.
2
Songon pidong rajawali Manjagai anakna i Songon i do dipabali Debatangku jea i
Sian au niramotanna Olat ni na tubu au Sai diiringiring au Masuk tu harajaonNa
Holong ni rohaNa i Nda tung hasuhatan i
3
Nang AnakNa sasadasa Diseahon Debata Pangoluhon au pardosa Uju i di Golgata
Mago au dibaen dosangku Jadi ro AnakNa i Manggarari utangki Lao mambaen haluaonku
Holong ni rohaNa i Nda tung hasuhatan i.
4
Dohot Tondi Parbadia Do disuru Amangki Asa dohot au badia Jala tau tu surgo i
Naeng gohanNa do rohangku asa sai tongtong torang Sai gok dame nang sonang
Mandalani dalananku Holong ni rohaNa i Nda tung hasuhatan i
5
Dohot haporseaonku Dilopokkon Tuhanhi Tu bagasan ni rohangku
Patiurhon dalanhi asa sahat musengani Au tu hangoluan i
Na rade di surgo i Di sude namanjalahi Holong ni rohaNa i Nda tung hasuhatan i.
6
Songon i do panarihon Ni Debatangki di au Tuhanki do sumarihon
Nasa na ringkot di au Tondi dohot pamatangku Dipangolu Tuhanki
Na marasi roha i Diramoti do hosangku Holong ni rohaNa i Nda tung hasuhatan i
7
Molo masa pangunjunan Dipasonggop setan i Debata do pangondingan
Di au on anakNa i Ai didokhon Debatangku SurusuanNa i Manamparhon jea i
Asa dao hamagoanku Holong ni rohaNa i Nda tung hasuhatan i
8
Ganup ari do disesa Debatangku dosangki Ndang hea gotos rohaNa
Maniopi rimas i Nang pe ingkon pinsangonNa Au dibahen dosangki
Ndang maposihu disi Uhum na nidabuhonNa Holong ni rohaNa i Nda tung hasuhatan i
9
Ala na so hasuhatan Holong ni basaM Amang Tatap ma au on pasidung
Nasa sangkap ni rohaM Di naposoMon Tuhanku Pargogoi ma au tongtong
Mangoloi di tano on Nasa na pinatikhonMu Paima Ho pujionki Salelenglelengna i.

Temukan kidung nyanyian lainnya dari BE (Buku Ende)

14 PUJI HAMU JAHOWA TUTU
15 AUT NA SARIBU HALI GANDA
16 TAPUJI MA TUHANTA
17 RAJA NA TUMIMBUL
18 UNGKAP BAHAL NA UMULI
19 O JESUS TATAP MA TUSON
20 O JESUS TUHANNAMI
21 BEGE MA SUDE HAMU
22 NUNGA RO DI PARGURUAN
23 JESUS HAMI RO DISON
24 TATAP HAMI ON
25 HATAMI ALE TUHANKU
26 DAME NIMMU ALE JESUS
27 HALELUYA ARI MINGGU
28 HATA NI JAHOWA
29 I MA TINGKI HASONANGAN
30 JESUS LEHON HATORANGAN
31 ARI NA MARHASONANGAN
32 NANG LAO RUAR MASUK PE
33 ANTONG SAI DOK MA AMEN
34 JESUS DO HAHOLONGANTA
35 SUDE HAMI NA DISON MARPUNGU
36 PASUPASU HAMI
37 ASI NI ROHA
38 PARUAK MA HARBANGAN I