155 Yesus Nasarani Langkung

Nada Dasar: 1=G 6/8
1
Ana sabawa gumrubyug,
Lir wong golongan kumrubut
Gumrudug dennya peplayon
Apa baya kang tinonton
Ana kang ririh sumambung :
Yesus Nasarani kang langkung
Ana kang ririh sumambung
Yesus Nasarani kang langkung
2
Sapa baya Yesus iku?
Bok ya tutura mring aku,
Dene’teka dentut-buri
Ing wong ewon ngendi-endi
Rame saure wong sagung :
Yesus Nasarani kang langkung
Ana kang ririh sumambung
Yesus Nasarani kang langkung
3
Yesus yeku Sang Pamarta,
Kang tumedhak saking swarga,
Karsa pepara neng donya,
Mitulungi wong cilaka,
Mula giyake’ wong sagung:
Yesus Nasarani alangkung
Ana kang ririh sumambung
Yesus Nasarani kang langkung
4
Wong lara sing ngendi-endi
Umarek mring Kangjeng Gusti,
Wong picak bisa andulu,
Wong budheg sinung pangrungu
Mula wrata dennya umyung :
Yesus Nasarani alangkung
Ana kang ririh sumambung
Yesus Nasarani kang langkung
5
Eh wong kang kabotan dosa,
Wong papa, wong kaniaya
Ngungsia mring Sang Pamarta,
Mesthi dentulungi uga,
Aja randhat nyuwun tulung
Yesus Nasarani mumpung langkung
Ana kang ririh sumambung
Yesus Nasarani kang langkung
6
Saiba bilainira,
Lamun nampik kadarmannya
Besuk Gusti yen wus tebih
Sira nangis melas-asih
Sambatira lan piduwung:
Yesus Nasrani sampun langkung
Ana kang ririh sumambung
Yesus Nasarani kang langkung

Temukan kidung nyanyian lainnya dari KPKL (Kidung Pasamuan Kristen Lawas)

156 Kori ingkang Menga
157 Pitados ing Gusti
158 Mandeng Ing Gusti
159 Taksih Langkung Panggenan
160 Anak Ilang
161 Nyuwun Suci
162 Amung Godhong
163 Kidung Kangen
164 Nagari Kang Endah
165 Duwea Swiwi
166 Padalemanipun Sang Rama
167 Tumengaa
168 Nginggilnya Kasa
169 Kadonyan Lan Kaswargan
170 Ngajal Kalayan Tentrem Rahayu
171 Ngajalipun Sadherek