217 JAHOWA DO DONGANKU
1
Jahowa do donganku, tung ise alongki?
Tangiang ni rohangku, padaohon musu i
Hasian ni Debata, au Kristus ulungki
Tung aha hatahata, ni panginsahi i?
2
Ai damang do Jahowa, hupuji i tongtong
Sai i digolom roha, marningot na holong
Do roha ni natimbo, tuk do gogoNa i
Mambuat nasa holso, pasonang rohangki
3
Mudar ni Tuhan Jesus, panalom rohangki
Ai i do na pabulus, dalan tu Ama i
Artana do na maol, na nilehonNa i
Unang pinarhamaol, ngolu ni daging i.
4
Jesus hasangaponku, sondang ni tondingki
Aut unang i huboto, nda mago au boti?
Dibaen habadiaon ni natumimbul i
RimasNa ndang tartaon, na songon api i.
5
Ndang be marhinamago, au dung ro Jesuski
Soada na mangago, hinaholonganki
Tongtong sonang rohangku, di na lao mate pe
Tu surgo do langkangku, uhum ndang jorbut be
6
Tondina do disuru, manggohi rohangkon
Ibana huparguru, palambok dangolhon
Dibaen pasupasuna, umbaen mananda au
Di Ama i, tung sura, na hurang boto au.
7
Ibana mangajarhon, luhut tangiang i
Ibana patolhashon, na pinangidomi
Tu Debata Amanta, hurang pe rohaMi
Ibana padas hata, sandok na malo i.
8
Ibana pangapuli, di na marilu i
Sambulo pe na uli, na pinarade ni
Amanta na di ginjang, dipatuduhon do
Molo dung so marlindang, jala ndang ganggu ho.
9
Ingkon marlasniroha, tongtong au ala nii
Ai nunga dao na roa, di Ho au Jesuski
Ho mata ni aringku, Ho las ni rohangki
I pe di Ho dagingku, di Ho nang tondingki.

Temukan kidung nyanyian lainnya dari BE (Buku Ende)

218 TONG DO TAU HAPOSAN
219 ISE DO ALEALENTA
220 NDANG JUMPANG HIAN
221 SALELENG JESUSKI
222 TU JOLO NI TUHANKU
223 HUSOMBA HO TUHAN
224 JALO TANGANKU
225 AI BEASA TUNG HUMOLSO
226 ADONG DO HASONANGAN
227 JESUS NGOLU NI TONDINGKU
228 JESUS HAPOSANKU
229 HATAMI ALE TUHANKU
230 HO TONGTONG IHUTHONONKU
231 ON MA NA DI ROHANGKI
232 SIAN SUDE PARULIAN NA ARGA
233 TURENA I MANODO
234 O JESUS TATAP MA TUSON
235 TUMPALHU NA UMMULI HO
236 JOTJOT DO MARSAK
237 JESUS KRISTUS DO MANOBUS
238 IHUTHON AU SUDE HAMU
239 BINSAN RO ASI NI ROHA
240 NGOT MA HO DIJOU SOARA
241 ASAL MA IBANA
242 RAHIS JALA MAOL