262 JAHOWA TUHANKI
1
Jahowa Tuhanki, Ho mual ni na denggan
Sitompa sasude, silehon hangoluan
Sai lehon ma di au, pamatang na hipas
Maringan ma di au, baen roha na ias.
2
Urupi au mandok, na patut dohononku
Asa ture hudok, na roa oromonku
Tung baen ma au gomos, mandok na patut i
Margogo ma antong, baen dohot hatangki.
3
Di na tarsosak au, padao ma pandelean
Sitaonon na di au, urupi au mamorsan
Pamonang au tongtong, palambok rohangki
Parroha na holong, baen angka donganki.
4
Padame au Tuhan, pasaor tu angka dongan
Ai i do na hombar, tu hataMi o Tuhan
Molo mararta au, binaen ni asiMi
Sai unang be di au, na geduk saor tusi.
5
Ramoti au tongtong, saleleng au mangolu
Matua pe au on, pabenget ma rohangku
So tung marlindang maon, tongtong parangengki
Ubanon pe au on, naeng hot do sangaphi.
6
Di hasusuda ni, bohalhu o Tuhanku
Paingot au disi, di nasa na tinaonMu
Tu hasonangan i, pasahat tondingki
Nang di tanomanki, ramoti orbukki
7
Di hamumulakMi, di ari haheheon
Sungguli au disi, baen au marhasangapon
Padomu au disi, tu dongan sasude
Naung pinaluaMi, sian dosana be.
8
Antong pinuji Ho, O Debata Amangku
Pinuji dohot Ho, O Jesuski, Tuhanku
O Tondi nang di Ho, ma hasangapon i
Sitolusada i, sai jalo endengki.

Temukan kidung nyanyian lainnya dari BE (Buku Ende)

263 TUDOS TU GALUMBANG I
264 ADONG DOPE PARADIANAN
265 NAUNG MORU DO MUSE SATAON
266 TU BANUAGINJANG DO
267 O TUHAN SULINGKIT
268 DEBATANGKU DO DONGANKU
269 TU JOLO NI TUHANKU
270 NGOT AI TORANG DO ARI
271 BETA, BETA HITA
272 SAI TOLE, TOLE RO SUDE
273 JESUS TUHANKU, RAJAI MA AU
274 SAI HEHE MA HAMUNA, HAMU
275 O JESUS TUHANHI
276 O JESUS SIPARMONANG I
277 MARSADA ROHA HITA
278 BANGSO NA SUMURUNG I
279 PASAHAT MA SUDENA
280 TONGTONG TUTU NA DENGGAN DO
281 MARTUA DO NA MARHAPOSAN
282 TUNG BEASA AU HOLSOAN
283 NANG SIPATA PE IDAON
284 SONANG DO ROHANGKU
285 BINSAN RO ASI NI ROHA
286 UNANG MA TANGISHON
287 GAOR PE SUDE HUMALIANG