308 West Ankole Diocese Anthem

Ai Ruhanga Nyamuhanga,

Rinda West Ankole yaitu,

Twegyes' okukundana

Nk' oku waatukunzire

Tukunde abantu boona

Turekye okutondana.

Nitwetenga obumwe,

Kandi n'okukwatanisa

Omu mirimo yaitu,

N' omu kuburir' engiri,

Twena tukorere hamwe,

Tutainemu bunyakantu.

Ruhanga Munyambabazi

Otuh'obusingye bwawe,

Tubone kukora gye,

Byon' ebi orikutwendeza

Tuhimbis'Eiziina ryawe,

'Mubureeberezi bwaitu.

Yes'Omwana wa Ruhanga

Twegyes' okugarukana

Nk'oku waatufeereire,

Aha Musharaba gw'enshoni,

Tubone kusaasirana

Tugume tushemereirwe.

Iw'Omwoyo wa Ruhanga,

Niiw'ob'amatsiko gaitu,

Mbwenu tuh' okumanya,

Ku guri omurimo gwaitu

Ogw' okweyemerezaho

Omu myoga yaitu yoona.

Temukan kidung nyanyian lainnya dari RRZ (Runyankole Rukiga, Zaburi)