320 MAPORUS DO ARIAN
1
Maporus do arian, ma salpu hatiuron
Di soluk haholomon, mambaen paradianan, di nasa jolma i
Holom do di matangku, tu Ho do lao rohangku
Sitompa parsorinan, ni ari dohot borngin, mamuji goarMi.
2
Girgir ma ho tondingku, mamuji Debatamu
Ai na so habilangan do saluhut na denggan, binaenNa i tu ho, satongkin pe ndang salpu, so sahat tu tanganmu
Godang denggan basaNa, nang asi ni rohaNa, na pangoluhon ho.
3
Ai songon siparmahan, manjaga di adaran
Dorbia asa dapot, saluhut i na ringkot hangoluanna i
Laos songon i Tuhanku, dilehon do bohalhu
Tongtong do jinagaNa, au songon dorbianNa, dibaheni basaNa i.
4
Ndang au tinadingkonNa, hape pinatikkonNa
Jotjot nilaosanku, sai lilu do rohangku, mambahen dosa i
Asi rohaM Amangku, paombun ma rimasMu
Tama do au toruan, alai na huarsakkon, sude pambaenanki
5
Tangihon ma hatangku, sai sesa ma dosangku
Ai mudar ni AnakMu, i do paridianku, na paiashon au
Sai dokkon suruanMu, marsaro di lambungku
Ho ma tongtong donganku, di na lao nok matangku, nang di na hehe au.
6
I ma na hinaposan ni rohangkon, o Tuhan
Umbahen sonang rohangku tumopot podomanku
So humasusa au, ai ndang habiaranku
Pangago ni musungku, dibaen habongkabongmu, na mangkuphupi au, mangaramoti au.
7
Na modom manang dungo, na hundul manang laho
Di tanganMi do ahu, Ho do hangoluanku, sintong do hata i
Ai Ho do pangondingan, arian dohot borngin
Partanobatoanku, na so tadingkononku, ai sonang au disi.

Temukan kidung nyanyian lainnya dari BE (Buku Ende)

321 MARUJUNG DO SADARI ON
322 O JESUS SIPANGOLU AU
323 SONANG DO ROHANGKU
324 HAMU SALUHUT HALAK
325 BODARI ON
326 IA LOJA AU
327 AUT NA SARIBU HALI GANDA
328 NAENG SALPU ARI MINGGU
329 JESUS HINAPOSAN NI
330 DI TANO ON MARDAGANG AU
331 SAI KRISTUS DO NGOLUNGKU
332 BINOTO JONOK NI ADAMHU
333 JESUS HINAPOSAN NI
334 NASA JOLMA INGKON MATE
335 LOAS AU, ASA LAO
336 SONANG MA MODOM
337 MOLO GIOT HO TU GINJANG
338 HEHE DO MUSE
339 DIINGOT HALAK DAGANG
340 HAMU SALUHUT HALAK
341 TIBU MA JUMPANG
342 NGOT MA HO DIJOU SOARA
343 JERUSALEM HO HUTA NA TIMBO
344 UNGKAP BAHAL NA UMMULI
345 DI DIA ADIAN?