363 HAMU SALUHUT HARAJAON 2
1
Mauliate dok hamuna, di Debata na basar i
Sai puji ma denggan basaNa, na so marpansohotan i
O Israel girgir endehon, ma asi ni rohaNa i
Na so hea marparujungan, saleleng ni lelengna i.
2
Hamu pinompar ni si Aron, gogo ma hatindangkon i
Dok ma: Saleleng ni lelengna, do asi ni rohaNa i
Hamu pe, na mangkabiari Jahowa Debatanta i
Sai dok imbaru ganup ari, do asi ni rohaNa i.
3
Ai uju au di hagogotan, joujou do au tu Debata
Tangiangki do ditangihon, dibaen do hosangki arga
Jahowa do tongtong donganku, beasa ma mabiar au?
Tung aha baenon ni alongku, nang manang ise dompak au?
4
Tuhanku do na manguluhon, sude na mangurupi au
Dibahen i ma hutaluhon, luhut na mangkosomi au
Dumenggan do marhaporusan, tu Debata na sintong i
Asa tu jolma marhaposan, nang pe tu na rumaja i.
5
Parbegu do mangkaliangi, au on mambuat hosangki
Hape sude do hutanggoi, marhitehite Tuhanki
Ibana do do hupangasahon, i do umbaen malua au
Ibana do na niarahon, umbaen marantu monang au.
6
Sobokkon loba na marsorop, dihaliangi musu au
Hape laos songon api mintop, di bulu duri do i lao
Marhite goar ni Tuhanku, do hutaluhon sasude
Au na tinggang naeng bahenonna, ditungkol Debata dope.
7
Jahowa do hagogoonku, endengku las ni rohangki
Ibana do hatuaonku, na margogoihon tondingki
Marolopolop do luhutna, partigor di jabuna be
SiamunMi do o Jahowa, pamonang naposoM sude.
8
Timbul do tangan ni Jahowa, sibahen hamonangan i
Na tunduk do na jungkat roha, hot jongjong do partigor i
Ndang mate au, sai na mangolu, do au marhite Tuhanki
Pajojoronku, o Pangolu, ma saluhut pambaenanMi.
9
Tutu, gogo do dipinsangi Jahowa au, alai laos tong
So mate au, ai disondangi, denggan basaNa au tongtong
Sai ungkap bahal hatigoran, di au, ai naeng do au tusi
Lao mangalehon hasangapon, di Sipalua tondingki.
10
Dison do bahal ni Jahowa, bongotan ni partigor i
Lao pasangaphon Debatana, di serep ni rohana i
Mauliate ma rohangku, di Ho na asi roha i
Na mangalusi tangiangku, mambahen hatuaonki.
11
Ianggo batu binolongkon, ni angka pande bagas i
Jahowa do na pajongjongkon, baen batu na di suhi i
Na pinatupa ni Jahowa, do i na longang situtu
Do roha ni na marnidasa, huhut marsomba be burju.
12
Nuaeng ma ari na dumenggan, binaen ni Debatanta i
Dibahen i ma tapadenggan, nuaeng parendeonta i
Tumpahi hami ale Tuhan, di ari las ni roha on.
Sai pasupasu ma pambaenan, ni tangannami be tongtong
13
Pinasupasu ma Rajanta, na ro marhite goar ni
Jahowa Tuhan Debatanta, tu hita huriaNa i
Jahowa, Sidongani hita, do Debata na sintong i
Antong, tambathon peleanna, tu tanduk ni langgatan i.
14
Ho, Debatangku, pujionku, patimbulonku sai tongtong
Mauliate ma rohangku, di Ho dibaen basaM inon
Hamu sude pe, ale dongan, dok ma mauliate i
Ai ndang hea marpansohotan, do denggan ni basaNa i.

Temukan kidung nyanyian lainnya dari BE (Buku Ende)

364 SAI HURANAPI DOLOK I
365 HALELUYA! PUJI MA
366 O ALE JESUS TUHANKI
367 NA TAU LAS NI ROHA
368 TUHAN JESUS, TUHAN JESUS
369 O JESUS PANONDANG
370 IA AEK SANTETEK
371 BURJU MA HITA MARDALANI
372 ROHANGKU SAI HALASHON MA
373 MANGULA HITA JOLMA
374 JESUS MANJOU HO
375 ADONG DO HASONAGAN 2
376 ISE NA DI PINTU I.
377 RO MA HAMU SUDENA.
378 SAI DIJANGKON JESUS I.
379 NDANG SADIHARI.
380 SO MA JOLO ISE I.
381 DI DIA JESUS
382 SANGGA RODI HARORONA.
383 ADONG DO AMA.
384 RO MA HAMU RADE.
385 DIJOUHON JESUS RO.
386 O DANGOL NI HAPARIRON I
387 HATOP MA HO RO.
388 SO MA JOLO JALA PINGKIR