377 KALEGANING ATINE WONG TUWA

Kaleganing atine wong tuwa, lamun nyawang putra wayahira,

de samnya rukun manunggal budi.

Pepindhane para among tani, ndulu taneman ira samnya ngrebda,

panenan ira lir robing samodra.

Lir bakul, daganganira laris; bebathenira agung winilis;

dhasar neng pinggir ratan kang gedhe;

bakule blater, murah eseme;

kang tuku padha teka mbanyu - mili;

rewange kongsi sayah angladeni

Saiba bombang marem atiku; anak - putu padha sabiyantu;

yen bungah bareng padha kasukan,

lamun susah sinangga barengan.

Uripe ayem tentrem, guyun-rukun;

tan kendhat dennya ngaturke panuwun

Temukan kidung nyanyian lainnya dari KPJ (Kidung Pasamuan Jawi)