73 Gusti Sinalib

Nada Dasar: 1=G 2/4
1
Saiba sangsaraning Gusti
nglampahi pinentang
kasami lan tiyang durjana
nggene kapatrapan
Ingukum kisas sakelangkung
pisakiting Gusti
gitikan lajeng kasalib
temahan ngemasi
2
Pundi dosane Gusti kula
Nglampahi pinentang?
Saestu Gusti tanpa dosa
Ngrembat dosaning tyang
Nggenipun masrahaken nyawa
Dhasar dipun sedya
Karsa nebus mring tyang kathah
Nggih kula lan ndika
3
Mekaten Allah kang Ma’suci
Tan ngeman kang Putra
Ingkang kekasih Denpasrahken
Mrih kraharjan kula
Saiba kawlasane Allah
Dhateng tiyang dosa
Sinungan pangapunten sami
Lantaran kang Putra
4
Gusti sinalib nedahaken
Mantepipun tansah
Pamituhune mring kang Rama
Dhatan kenging ewah
Klampahan pinisakit Gusti
Inggih dipun temah
Sestu tan ngeman slira ngantos
Dumugi ing pejah
5
Wis pestine yen Gusti Kristus
Anandhang pisakit
Yeku margine mlebet dhateng
Kamulyan linuwih
Kamulyan aneng swarga agung
Nggenipun kaangkat
Jum’neng Ratu miwah Panutan
Ing sagung pra umat
6
Gusti sinalib, anenangi
manah kula sami
Suados kasaenanipun
Kawula timbangi
Pinten banggi saged amales
Ing sih-kawlasannya
Prayogine kula wangsuli
Pitados wah tresna
7
Lamun kula manggih pakewed
Wit saking ngakeni
Asmane Gusti, sampun ngantos
Kawula selaki
Sageda nyipta salibipun
Wonten ing ngajengan
Supados tetep mantep kula
Dumugi wekasan

Temukan kidung nyanyian lainnya dari KPKL (Kidung Pasamuan Kristen Lawas)

74 Gusti Kasalib
75 Kesambutan kula dumateng Gusti
76 Etuking Karahayon
77 Wungunipun Gusti Saking Padununganipun Tiyang Pejah
78 Wungunipun Gusti Saking Padununganipun Tiyang Pejah
79 Wungunipun Gusti Yesus
80 Wungunipun Gusti
81 Pamarta Kula Agesang
82 Mekradipun Gusti Dhateng Swarga
83 Mekradipun Gusti
84 Tumedhakipun Roh Suci Dhateng Para Utusan
85 Tumedhakipun Roh Suci
86 Tumedakipun Roh Suci
87 Panyuwun Ing Dinten Pentekosta
88 Panyuwun ing Dinten Pentekosta
89 Pentekosta
90 Gumelaring Kratonipun Gusti
91 Nyuwun Melaripun Kratoning Swarga
92 Sabdanipun Allah
93 Kratoning Swarga
94 Pamradining Injil Sajagad
95 Ing Waktu Badhe Winulang
96 Ing Waktu Badhe Winulang
97 Bakda Winulang
98 Pamuji Bakda Winulang