79 Pracaya Lan Pasraha

Pracaya lan pasraha mring Allah Ma kwasa,

Gunging prihatinira ginantosan begja,

yekti pilihing margi Pangeran mberkahi,

lan sira kaeraman wit gunging kadarman.

Lamun sira nggresula yekti tanpa guna,

ati kabidhung susah pepeteng sumrambah,

ngetunga gunging berkah sarta mukjijadnya,

dalah prakara lumrah dadya marginira.

Sapa bisa njajagi mring karsaning Gusti,

sira tan darbe kwasa nata umurira,

mung tansah mbudidaya sinartan ndedonga,

sumendhe mring Pangeran wah ngambah pepadhang.

Lamun nyangga momotan ingancam bebaya,

ngungsia mring Pangeran ywa semplah ing driya,

sira rineksa Gusti mrih datan bilai,

tan sande linuwaran wah sinung kraharjan.

Yen praharaning gesang silih nempuh tansah,

klayan takat linawan wah nenga mring Allah,

Gusti nunggil tan kendhat lan ngganjar sih rahmat,

temah manteb pracaya ing slami-laminya.

Temukan kidung nyanyian lainnya dari KPKA (Kidung Pasamuan Kristen Anyar)