88 OSIKING MANAH KAWULA

Osiking manah kawula tan kenging kaendhakna,

kadereng asung pamuji wit sih tresna Paduka.

Gusti tedhak saking swarga dhateng jagad kang nistha,

ngrembat dosaning prajalmi nguwalken saking pati.

Gusti, Paduka siniya

cinampahan tan taha,

wit mundhi dhawuhing Rama

mitulungi manungsa;

ngunjuk tuwunging sangsara

wah séda ing Golgota.

"Wus rampung", panguwuhira

sarta masrahken nyawa.

Sih Paduka dhateng kula

sanget kawula pundhi.

Salib Paduka ndadosna

bingah kula lestari.

Saiba begja kawula

darbé Juru-basuki;

kalangkung panuwun kula

wah asmanya pinuji

Temukan kidung nyanyian lainnya dari KPJ (Kidung Pasamuan Jawi)