251 NA MONANG I DO
1
Na monang i do na muse manganhon
Parbue ni hau hangoluan i
Ndang jadi idaonna hamagoan
Nang hamatean paduahon i
Ai Debatana papos rohana
Mambaen langkana tongtong tiur,
Mambaen langkana tongtong tiur
2
Na monang i ndang tupa hahuaon
Ni hamatean paduahon i
Sai jongjong do ibana maradophon
Bohingku di banuaginjang i
Sai idaonna disi Tuhanna
Ro di donganna na monang i,
Ro di donganna na monang i.
3
Na monang i do lehononku mangan
Di surgo manna na buni dope
Pangalahona do tongtong ingoton
Margoar na imbaru do muse
Na sinurathon tu batu intan
Tongtong martua panjalo i,
Tongtong martua panjalo i.
4
Na monang i marnida pambaenanKu
I do na marmahani bangso i
PasahatonKu deba sahalangKu
Tu tangan ni sude na monang i.
Sai rosahanna muse alona
Patunduhonna do musungki,
Patunduhonna do musungki
5
Na monang i do na manjalo ulos
Na saksak di banuaginjang i
Goarna i do na so jadi mosos
Sian pustaha hangoluan i
Taringotanku di Debatangku
Sude donganku na monang i.
Sude donganku na monang i.
6
Na monang i do ingkon gabe tiang
Di bagasjoro ni Debatangki
Di bagas i tongtong ibana mian
Jumujung goar ni Jahowa i
Uhirhononku tusi goarhu
Sijujungonku di surgo i,
Sijujungonku di surgo i
7
Na monang i do hundul raphon Ahu
Di habangsakKu na di surgo i
Tudoshon Au di lambung ni Amangku
Partohap do di hasonangan i
Na maradian di hasonangan
Sude na monang na burju i,
Sude na monang na burju i
8
Urupi au, o Jesus asa monang
Au maralohon angka musungki
Portibi on sibolis nang pamatang
Do na manaiti au tu dosa i
Pasangaponku tongtong goarMu
Di ingananku di surgo i,
Di ingananku di surgo i.

Temukan kidung nyanyian lainnya dari BE (Buku Ende)

252 O JESUS SAI DONGANI
253 ALE DEBATANGKI
254 DI NA PONJOT ROHANGKU
255 HOLAN SADA DO NA RINGKOT
256 JESUS KRISTUS I DO RAJA
257 JONOK DEBATANTA
258 SAI HUTUJU
259 SAI BETA MA TONDINGKU
260 HOLAN JESUS DO HUBAEN
261 BINTANG SIPARTOGI
262 JAHOWA TUHANKI
263 TUDOS TU GALUMBANG I
264 ADONG DOPE PARADIANAN
265 NAUNG MORU DO MUSE SATAON
266 TU BANUAGINJANG DO
267 O TUHAN SULINGKIT
268 DEBATANGKU DO DONGANKU
269 TU JOLO NI TUHANKU
270 NGOT AI TORANG DO ARI
271 BETA, BETA HITA
272 SAI TOLE, TOLE RO SUDE
273 JESUS TUHANKU, RAJAI MA AU
274 SAI HEHE MA HAMUNA, HAMU
275 O JESUS TUHANHI
276 O JESUS SIPARMONANG I