92 PUJI MA NA MANALUHON
1
Puji ma na manaluhon, dosa hamatean i
Puji ma na Pangoluhon, saluhut pardosa i
Jesus na dung mate i, las roham o huriaNa
Ala na mamillit ho, Jesus i mangolu do
2
Tole hita mangendehon, halalas ni roha i
Dohot marolopolophon, sangap ni na monang i
Na tongtong mangolu i, tole hita mangendehon
Halalas ni roha i, di parngolu Jesus i.
3
I do las ni rohanami, lao mamujimuji Ho
Ndang be sitoruan hami, ala na dung mate Ho
Dungkon ni mangolu Ho, nunga ringan tondinami
Sian hangoluanmi, ala hamonanganMi
4
Uju i di na manogot di na buha siang i
Mijur do surusuruan, laho tu tanomanMi
Dung diungkap batu i, dipahundul ma ibana
Paboahon di na ro, ndang be dibagasan Ho
5
Tu tanoman si Maria, paturehon bangkeMi
Tung beha ma di rohana, dung dibege hataMi?
Dohot mangalusi i? Au pe idaonku sogot
Ho di hasangaponMi Ho, o Jesus, Tuhanki.
6
Molo hehe pamatangku, molo pinasangap au
Idaonku Debatangku Jesus Sipangolu au
Suman tu Ibana au, molo hehe pamatangku
Jadi ngolungolumi, gabe hangoluanki.
7
Ala ni sai las rohangku, nang pardagang au dope
Ho tinatap ni matangku, atik pe na dao dope
Mian do TondiM di au, asa tong togu rohangku
Mangeahi surgoMi, paima sahat au tusi.

Temukan kidung nyanyian lainnya dari BE (Buku Ende)

93 PESTA PASKA HATUAON
94 ALE TONDINGKU NAUNG HEHE
95 NGOT MA HO DIJOU SOARA
96 NUNGA TALU HAMATEAN
97 PATIMBUL BE MA SANGAP
98 TUHAN DEBATA
99 O TONDI PARBADIA BONGOTI
100 BONGOTI MA ROHANGKU
101 O DEBATA MANSAI
102 O TONDI PARBADIA BONGOTI
103 TUNG BEASA AU HOLSOAN
104 BONGOTI MA ROHANGKU
105 DEBATA DO MANGGOMGOMI
106 ALE TUHAN AMANAMI
107 O TONDI PARBADIA I, SAI MASUK
108 HATA NI JAHOWA
109 JESUS HAMI RO DISON, ASA
110 HALELUYA! PINUJI MA
111 PATIMBUL BE MA SANGAP
112 O TONDI PARBADIA I, BONGOTI
113 DEBATA SITOLUSADA
114 PAROHON HARAJAONMI
115 TUHAN DEBATA
116 DITOMPA HO DO AU
117 JAHOWA DEBATANTA DO